Crónica Cromática é o segundo traballo discográfico do quinteto de Jazz liderado por Alberto Vilas.

 

O álbum foi grabado nos estudios Boom de Gaia, Porto, coas composicións de Alberto Vilas que non deixan indiferente a ninguén e que están tendo unha grande acollida, non so polos habituais seguidores do jazz senón tamén polo público en xeral.

 

Á excelente calidade tanto das composicións como da gravación deste traballo hai que sumarlle a importancia do soporte físico deste álbum: o magnífico traballo do deseñador gráfico Jose María Arrizabalaga, xunto coas impoñentes fotografías de Juan Luis Amado e a aportación artística de Lolo Nantes, fan que o disco sorprenda tanto á vista e ó tacto coma ó oído.